Kung Nganong Dugay Ang Pagpiyong

sa mga kwaknit sa langob Argao
dili dali ang tubag

mapangitaag katagbawan

kay sama nianang gugmang gipiyong
sa paglikay-likay adlawng dako

pagawas sa dakong liti palayo
sa kasakit sa pag-ikyas sa pag-ambak

balik sa pag-inusarang lakat-lakat

sa tisa sa colon sa bisag asang
lugar hidangpan ang tiil,

ang kahayag
dili baya sa kadugay kadali

ang iyang siga masukod kung dili
sa laming bugnawng dugayng nakapilit:

kahilom sa kangitngit

Read More