Bata Sa Dan

Unya nagtuo kag nalipay kos imong gihatag
Nga guol?Kuhiton unta tika karon pero alang-alang
Kaayo ang oras, duha pa ka nagutom nakong igsoon
Ang akong pangitaag lugar nga higdaan ug huwatan
Sa bisan-kinsang way ulian karong adlawng gasiga
Para kumoton ang yawit ug paugomon ug ngisi
Ang timbang lang sa mga bitoon ug bato ang sukod

Nagtuo ka nga wala koy nakita nga bag-o
Pas mga sanina nga mga pinulongang binisaya
Sama sa, hoi sunod ang gihatag nimo ihalok ko
Sa guna nakong pang-ukal nianang imong pitaka?

Nag tuo ka simod ra ni ang akong gipakaon?
Nga ang duda, hustisya ug kauhaw
Imong mga amigo ug tarantadong mga palaiyot
Ray makasabot? Asa ibutang kung is or are ang gamit.

Bayot ka day. Huwata nang imoha mamatay
Usa nimo usbog palit ning duwaaaaang pangbukbok
Ko sa igsoong gibukbok ni mama sa balay sa papa
Nga dili amo ni Juanita, Rose Ann ug Janer
Pero kang Leah ra nga di nimo maabtan diri

Sa atong lakaw. Kay ikaw kahadlokan, mahadlok
Sa akong mga tawng punog atsa'g linungagang

Bato. Bato. Batong ilabay na namo nimo kung sundon
Pako nimo ug samokon sa sunod nakong katulog

Para lang sa unod nga lamaw pero nga dili nako
Mapaningkamotan gyud bisag unsaon ug balibad

Kung manguhit mo. Mukuhit mo. Mukuhit mo namo.

Read More

Sheet, ang iring, niambak, mihimog wirdo kaayog tingog
Singkahan nimo, wa may mahimong kausaban, imong wa-it
Ray mamuwa sa sigeg paningkamot ug singka ug mausab
Dayon ang tanan, sheet, ang iring nibalik ug lingi, si Morpheus
Nahibolong. Si Trinity nahibulong, nihunong, diha mahibong apil
Ang bida ug minaog ug duha ka tikang ug misuway ug lantaw
Balik, sheet, ang iring, niambak, mihimog wirdo kaayo

Nga tingog.

Read More

Unya bakak diay na kung imo gyud buot huna-hunaon?
Tingali wa lang ka kakita kung diin ang duol nagsugod
Ug layo; Diing dapita diri ang imong giingong sakto nahuman
Ug sugod; Dili pa diay ka kasabot nga way bakak nato
Ang dili nila mabantayan ug dakop? Ka wa bay klaro ani
Day, dili pa diay ka kahubos imong panti ron?

Unya bakak pa diay na kung tanan namakak na?

Read More

Sugdi na ug tagay. Ayaw'g limot sa asa nagsugod
Ang shat. Ayaw isugat kung di ka kabaw asa kutob
Mahubog ang imong mga kainom. Tubig
Gyud nga naay ginamayng unod ang gawas
Gyud kung mamugos kag shat. Ayaw isugat
Lagi, tan-awa gud ko, unsa man, ganahan pud ka

Musuka. Musuka. Musuka. Musuka.

Read More

Sugdan natog balik. Pahunungun una ang tanan usa sugdag samad
Ang giingon natong kahilom. Timan-i lang ang duga nianang imong
Mata kung maghilak. Kasagaran bayang butang wala gasugod ug M
O S kung ispelengon nimos Ingles.

Kung musud ka balik way duda nga mubalik ka diri. Gawas nalang
Gyud, gawas lagi ba. O di kaha

Pagawsa nalang ko sa sud.

Read More